Бомбици од банана

Потребно е

3 банани
150гр шеќер во прав
150гр мелени ореви(може и мелени бисквити, тогаш намалете на шеќерот во прав)
150гр кокос

Припрема

Испасирајте ги бананите со вилушка, додадете ги другите состојки и се добро измешајте да се соедини. По потреба додадете ореви или кокос. Направете бомбици и валкајте ги во рендано чоколадо или кокос.

Ако ви останат некоја вишок, може да ги замрзнете. Добри се за деца и за ненајавени гости.

Извртени Плетенки

Децата ги обожаваат за појадок.


Потребно е
1. 800гр брашно
2. 1 лажица сув квасец, или околу 40гр свеж квасец
3. 6 лажици шеќер
4. 1 лажица сол
5. 300мл топло млеко
6. 100мл зејтин
7. 2 јајца(1 жолчка за премачкување)
8. По вкус суво грозје

Подготовка

Измешајте ги сите состојки и тргнете една жолчка за премачкување. Оставете да втаса.
Кога е готово поделете го тестото на 12 топчиња. Направете плетенки и премачкајте ги со жолчката. Печете на загреана рерна од 200Ц додека не поруменат.

Переци

Мирис од детството.


Потребно е

1. 800гр брашно
2. 1 лажица сув квасец, или околу 40гр свеж квасец
3. Малку шеќер
4. 1 лажица сол
5. 200мл топло млеко
6. 300мл топла вода
7. 100мл зејтин

За премачкување
1 јајце

Солен прелив
3 лажици брашно
1 лажица сол
По потреба студена вода

Подготовка

Во топлото млеко ставете го квасецот, малку шеќер и 2 лажици брашно и оставете 10-тина минути да отстои.
Потоа додадете ги сите состојки освен брашното. Добро измешајте и на крај додавајте го брашното постепено. Замесете средно меко тесто, се додека не се лепи за рацете. Оставете да отстои на топло 30-тина минути.

Кога е тестото готово, направете околу 30 топчиња. Од секое направете лента која ќе ја фатите на краевите, ќе ги споите и ќе го завртите два пати. Сега тој крај ќе го споите како перек. Видете на сликата. Облизи може да се прават по ваш вкус.
Переците ставајте ги на подмачкан плех или обложен со хартија за печење. Кога ќе ги завршите сите, уклучете ја рерната на 250Ц и оставете ги да надојдат додека се загрее рерната. Пред да ги печете премачкајте ги со изметено јајце и печете додека не почнат да поруменувааат.

За тоа време направете го солениот прелив. Треба да биде густ колку тесто за палачинки.

На 5 минути пред да бидат готови, извадете од рерна и прелијте ги со преливот како на цик-цак преку целиот перек. Печете уште малку и готови се.

Мафини со моркови и ананас

За 12 мафини потребно е

1 cup = 250 гр

1. 2 и пол cup брашно
2. 2 мали лажички пециво
3. пола лажичка сол
4. 1 и пол лажичка цимет
5. пола лажиќка морско оревче
6. 2 јајца
7. пола cup кафеав шеќер
8. пола cup зејтин
9. 1 cup исечкан ананас на коцки
10 1 и пол cup рендани свежи моркови

Подготовка

Во еден сад изматете ги јајцата со шеќерот се додека не добиете густа смеса.
Во друг сад измешајте го брашното и сувите состојки. Во смесата со јајцата додадете го зејтинот и мешајте со лажица. Потоа додадете ги и сувите состојки, мешајќи со лажица се додека не добиете еднолична смеса. Мешајте подолго време, на прв поглед брашното може да изгледа дека е многу за таа доза, но сето убаво ќе се соедини откако ќе мешате повеќе време.
Ставете од смесата во калап за мафини и печете околу 15-20 мин во загреана рерна на 425F.

Американски палачинки со боровинки

За 12 палачинки потребно е

1. 2 јајца
2. 2 1/4 мали лаж. пециво
3. 3 големи лажици шеќер
4. 3/4 мала лаж. сол
5. 1 1/2 cup или 375гр брашно
6. 1 cup или 250мл млеко
7. 3 гол. лажици стопен маргарин
8. 1 cup или 250гр свежи боровинки

За сирупот(опција)

1. 1 cup или 250мл Јагоди, боровинки или др. овошје со малку вода и шеќер по вкус, се става на оган со постојано мешање се додека не се направи како сируп.

Подготовка

Одделете ги белките од жолчките. Во еден сад изматете ги белките додека не станат како шлаг. Во друг сад измешајте ги сувите состојки, брашното, пецивото, шеќерот и солта. Потоа во посебен сад изматете ги жолчките со млекото и маргаринот. Сето тоа додадете го во сувата смеса. На крај додадете ги боровинките. Потоа додадете ги и изматените белки. Сето та се измеша. Во тава за палачинки, подмачкана со малку зејтин, ставајте по една голема лажица од смесата во форма на круг. Почекајте додека не се појават меурчиња и тогаш свртете ја од другата страна. Печете 1-2 мин и палачинката е готова. Повторете ја постапката се додека имате од смесата. Излегуваат отприлика 12 палачинки. За двајца се доволни 6.

На крај може да ги прелиете со сирупот, кој им дава посвеж вкус, или да ги јадете суви... кој како сака.

Пилешко со печурки

Потребно е

1. 4 пилешки гради
2. 100гр брашно
3. 1 лажичка сол
4. црн пипер пола лажичка
5. околу 300 гр печурки
6. маслиново масло
7. 200 гр сос од домати
8. свежо сецкан магданос

Измешајте го брашното со солта и црниот пипер.
Пилешките гради истолчете ги и откако ќе ги извалкате во смесата со брашно, пржете на загреан зејтин додека не поруменат. Откако се готови извадете ги од тавата на страна. Во тавата каде го пржевте пилешкото, додадете го сосот од домати и мешајте додека да се загрее. Потоа додадете ги исечканите печурки и оставете да се крчка на тивок оган околу 10 тина минути. Потоа вратете ги и пилешките гради во сосот и прелијте ги со него. Оставете така покриено на тивок оган уште 10 минути. Пред крај додадете свежо исецкан магданос и сервирајте.

Печени печурки

Потребно е

1. Половина кг. свежи печурки
2. сол
3. 2 големи лажици маслиново масло
4. 2 големи лажици оцет
5. 1 голема лажица мајчина душичка
6. црн пипер

Во длабок сад измешајте ги состојките. Печурките нека бидат со средна големина и печете ги цели. Откако се ќе се измеша се ставаат во загреана рерна на 250 степени, во сад обложен со фолија за печење. Печете 10-15 мин и потоа промешајте ги, па печете уште 10 тина минути додека поруменат.

Послужете со месо, можете да додате уште оцет по вкус.